Rüstəmov Mürsəl Sərdar oğlu 2 iyul 1981-ci il tarixində Cəbrayıl şəhərində anadan olmuşdur. 

 2002-ci ildə Bakı Dövlət Universitetinin Hüquqşünaslıq fakültəsini bakalavr, 2004-cü ildə magistr dərəcələri ilə bitirmişdir. 2008-ci ildə Azərbaycan Dövlət İqtisad Universitetinin Maliyyə və kredit ixtisası üzrə yenidənhazırlanma kursunu bitirərək iqtisadiyyat üzrə ali təhsilə yiyələnmişdir.

2006-2010-cu illərdə “PAŞA Sığorta” ASC-də sığorta hadisələri üzrə mütəxəssis, sığorta hadisələri və hüquqi təminat üzrə baş mütəxəssis, sığorta hadisələri və hüquqi təminat üzrə koordinator, sığorta hadisələri və hüquqi təminat departamentinin müdiri, daxili audit xidmətinin rəhbəri vəzifələrində çalışmışdır. 

2010-2017-ci illərdə  “PAŞA Həyat Sığorta” ASC-nin İdarə heyətinin sədri olmuşdur.

2009-cu ildə “Pozitiv Konsaltinq” MMC-ni təsis etmiş, 2017-2018-ci illərdə Şirkətin İdarə heyətinin sədri, 2018-2020-ci illərdə baş direktoru olmuşdur. 

2020-2024-cü illərdə “Səba” ASC-in Direktorlar Şurasının üzvü olmuşdur.

2013-cü ildə Azərbaycan–Türkiyə İş Adamları Birliyinin İdarə Heyəti sədrinin müavini 2023-cü ildə Birliyin İdarə heyətinin sədri seçilmişdir.

Ailəlidir, 2 övladı var.